الارشيف / اخبار العالم / أخبار السودان اليوم

عبد الوهاب نجل الموسيقار محمد وردي: (عود أبوي شفشفهو الجنجا)!!!

اتّهم الموسيقار عبد الوهاب نجل الفنان الكبير الراحل محمد وردي، الدعم السريع بسرقة عود والده من داخل مخزنه بمنطقة المعمورة بالخرطوم.
وكتب عبد الوهاب، على صفحته الشخصية بالفيس بوك: (الجنجا شفشفوا العود من بيت الوالد – ألف رحمة ونور – في المعمورة.. صديق عزيز شاف دعامي جاريهو بالواطة قال ليهو تبيع، طوالي قال أيوه، اشتراهو ورسل لي الصورة، رسلتها ومعاها صور تانية لأخوي منتصر وردي واتأكدنا تماماً إنو ده عود الأستاذ، منتصر عندو الصورة العلى اليمين دي كده بالثابتة يا جنجا).
وأضاف: (لاحظوا العود ده كان في المخزن، ما دام وصلوا المخزن معناها باقي البيت كلو في خبر كان، يا جنجا البيت كلو صور الأستاذ يا كافي البلا وردي ده لا اسمو طقش أضانكم قبل كده لا صورتو لا غناهو؟؟!!.. ياخي شيلوا العفش والمكيفات والمراوح؛ لكن حاجات الأستاذ الفنية دي تراث وإرث قومي، بل وعالمي أيضاً، لكن عادي طبعاً لأنو ثقافتكم حدها – عشان أم قرون بركب الحديد بوكسي).
واختتم حديثه: (حسبنا الله ونعم الوكيل، لكن أكيد دمنا ما بروح موية ولا تاريخنا ولا ثقافتنا، وبكرة حتدفعوا التمن غالي يا جنجويد، غالي شديد).

صحيفة السوداني

كانت هذه تفاصيل خبر عبد الوهاب نجل الموسيقار محمد وردي: (عود أبوي شفشفهو الجنجا)!!! لهذا اليوم نرجوا بأن نكون قد وفقنا بإعطائك التفاصيل والمعلومات الكاملة ولمتابعة جميع أخبارنا يمكنك الإشتراك في نظام التنبيهات او في احد أنظمتنا المختلفة لتزويدك بكل ما هو جديد.

كما تَجْدَرُ الأشاراة بأن الخبر الأصلي قد تم نشرة ومتواجد على كوش نيوز وقد قام فريق التحرير في الخليج 365 بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر من مصدره الاساسي.

Advertisements

قد تقرأ أيضا