ياسر رشاد - القاهرة - قال بشير التابعي نجم الزمالك السابق أن تحقيق بطولة واحدة مع القلعة البيضاء يساوي 100 بطولة لأننا بنلعب ضد رغبة الجميع.
أضاف التابعي: البطولة في الزمالك بـ 100 بطولة لأننا بنلعب ضد الدنيا كلها، اتحاد وحكام وإدارة نادي وجمهور، البطولة بتبقى غالية جدا.
وواصل التابعي: النادي الأهلي محترم جدا وعنده نظام وقافل على نفسه، وأي رياضي يقولك بكره الأهلي مينفعش تتكلم وتتعامل معاه هو الأهلي قتلي حد؟ أنا ولادي أهلاوية جدا وبنتي زملكاوية جدا.
وتابع: ابني الكبير بيعيط لما الأهلي يخسر بقوله أنت عبيط يا ابني أنت ابن واحد زملكاوي رد قالي شوف الزمالك مشاك إزاي.
وواصل: حرقت عقود الأهلي قريب عشان كل ما بشوفها بتعملي صداع ، اتعاقبت على توقيعي للأهلي مرتين الأولى بطلوني في النادي والثانية الطريقة اللي مشوني بيها من باب الخدامين.
وأضاف: مكنتش باخد فلوس في الزمالك ومسكت في رقبة إسماعيل سليم نائب الرئيس وقولتله فين فلوسي.