الارشيف / اخبار العالم

حظك اليوم مع عبدالله أحمد الثلاثاء 6/3/2018 الحمل محتاج حضن أمان ياجماعة

  • 1/15
  • 2/15
  • 3/15
  • 4/15
  • 5/15
  • 6/15
  • 7/15
  • 8/15
  • 9/15
  • 10/15
  • 11/15
  • 12/15
  • 13/15
  • 14/15
  • 15/15

Advertisements

إعرف وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

: كلام جد

كان المفروض أم كلثوم تقول "ولا عمر بستانه طرح..غير الهنا وغير الفرح وغير الفريندزون".

عشان تعرف حظك بشكل كامل .. صفي نيتك ودوس على اسم برجك بإيدك اليمين.

حظك اليوم برج الحمل دوت مصر

حظك اليوم برج الحمل دوت مصر

إعرف حظك اليوم الثلاثاء 6/3/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

في حد مركز معاك ف الاغلب النهاردة او لأ.. مسيرك تعرف وتاخد بالك برادارك الحسي الخاص اللي مبيكدبش عليك ابدا..

برج الحمل عملياً

( الشغل والمذاكرة والتخطيط لبكرة ):

تسلح من اول اليوم بزلطة زرقا شكلها حلو خليها ف جيبك احتياطي.. مين عارف جايز تحتاجها ضد العكوسات والحسد ولا حاجة.

برج الحمل صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تنام بعمق وتحس بأمان وتستخبى ف حضن حد بيحبك وبتحبه

إعرف توافق برج الحمل مع باقي الأبراج النهاردة:

متوافق مع الابراج الحسواكية والفرفورية والحنتوسية والنارية والهوائية..

حظك اليوم برج الثور دوت مصر

حظك اليوم برج الثور دوت مصر

إعرف حظك اليوم الثلاثاء 6/3/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

حافظ علي حاجتك كويس ومتضيعهاش وبعدين ترجع تلبسها لأي حد من ضحاياك ف الحياة وتقول هو السبب.. عموما انتا حر

برج الثور عملياً

( الشغل والمذاكرة والتخطيط لبكرة ):

مسير الوقت ييجي اللي تتحمل فيه مسئولية كل أفعالك مرة واحدة..إتقل وهتحاسب علي كل المشاريب.. إتقل بس وهتشوف.

برج الثور صحياً

( نفسيا وجسمانيا وكل مايخص طاسة المزاج ):

صحيا النهاردة انتا كويس وزي الفل.. بلاش حاجات فيها سكر كتير بس عشان متهيبرش على الفاضي

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والكتكوتية والبرمائية والهوائية والمائية والترابية..

حظك اليوم برج الجوزاء دوت مصر

حظك اليوم برج الجوزاء دوت مصر

إعرف حظك اليوم الثلاثاء 6/3/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتتعرض النهاردة ف الاغلب لمضايقات الاغراب المتطفلين اللي بيعتبروا وشك إكمنه سمح وجميل يبقى وراه شخصية قريبة ويسهل الكلام معاها

برج الجوزاء عملياً

( الشغل والمذاكرة والتخطيط لبكرة ):

كبر دماغك وابتسم ومتردش وخلاص.. اعتبرهم غلابة وإخواتك ف الانسانية المعذبة وميعرفوش عنك حاجة وخلاص.. معلش.

برج الجوزاء صحياً

( نفسيا وجسمانيا وكل مايخص طاسة المزاج ):

صحيا النهاردة يحبذ الخروج وانتا متسرح ومتشيك وعلى سنجة عشرة عشان تشد الطاقة الايجابية ليك طول الوقت وتنبسط وتبطل نكد

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنباتية والسمكمكية والترابية والمائية والهوائية..

حظك اليوم برج السرطان دوت مصر

حظك اليوم برج السرطان دوت مصر

إعرف حظك اليوم الثلاثاء 6/3/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً

( الكراش والإكس والبوي فريند والجيرل فريند والجوز والزوجة والقرايب ):

متنفعلش اوي عشان حاجات صغننة وممكن تعدي

برج السرطان عملياً

( الشغل والمذاكرة والتخطيط لبكرة ):

فكك من المؤامرات اللي بتقعد تغزلها كوروشيه بعناية فائقة بالساعات ف الانبوكس مع اصحابك على اصحابك برضة.. اهدى العالم مش ناقص حد يكتشف نار من تاني والله.. إهدى حبة

برج السرطان صحياً

(نفسيا وجسمانيا وكل مايخص طاسة المزاج ):

صحتك النهاردة محتاجة منك تطلع طاقتك ف حاجة من اتنين.. يا تقعد تتأمل وتعمل يوجا او تلعب غسل المواعين.. نقي براحتك

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والبرمائية والكتكوتية والمائية والنارية والبهوائية ( اخت الهوائية بس مبهوئة حبة).

حظك اليوم برج الأسد دوت مصر

حظك اليوم برج الأسد دوت مصر

إعرف حظك اليوم الثلاثاء 6/3/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً

( الكراش والإكس والبوي فريند والجيرل فريند والجوز والزوجة والقرايب ):

في حد هيحاول يعطلك النهاردة او معجب وكراش وكدة.. فكك انتا مش فاضي للكلام الفاضي دة خالص النهاردة

برج الأسد عملياً

( الشغل والمذاكرة والتخطيط لبكرة ):

وراك حاجات مهمة ووقت لازم تضيعه بمزاجك وبس.. مش بمزاج او تحت تأثير إشتغالات من حد.

برج الأسد صحياً

( نفسيا وجسمانيا وكل مايخص طاسة المزاج ):

صحتك النهاردة محتاجة سينما مع شخص لطيف غير مزعج ومش هيقعد كل شوية يقطع عليك الفرجة ويقولك "هو مين دة؟ وليه قتل البطلة" والاسئلة الغبية اللي بتخنقك دي

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والسمكمكية والكرِيبّية والإستحواذية والهوائية والترابية والنارية..

حظك اليوم برج العذراء دوت مصر

حظك اليوم برج العذراء دوت مصر

إعرف حظك اليوم الثلاثاء 6/3/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً

( الكراش والإكس والبوي فريند والجيرل فريند والجوز والزوجة والقرايب ):

محتاج تدلع اللي بيحبك عشان يفضل يحبك زي إمبارح بالظبط.. متستكترش عليه دلع يومين مانتا بتدلع بالشهور محدش بيقولك حاجة

برج العذراء عملياً

( الشغل والمذاكرة والتخطيط لبكرة ):

متتخانقش أو تخش ف جدال ممكن يفقدك هدوئك او يعصبك ويفسد مودك النهاردة تحت أي بند أو مسمى أيا كان.. مودك امانة يابرنس.. مودك ودماغك العالية أمانة.. حاول تحافظ عليها ومتضيعهاش.

برج العذراء صحياً

( نفسيا وجسمانيا وكل مايخص طاسة المزاج ):

صحتك النهاردة تمام وكل حاجة ماشية كويس.. خد بالك من قولونك عشان ممكن يتلكك بقلبة الجو ويقرفك

Advertisements

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والبرمائية والكتكوتية والكهربائية والنارية والبرمائية..

حظك اليوم برج الميزان دوت مصر

حظك اليوم برج الميزان دوت مصر

إعرف حظك اليوم الثلاثاء 6/3/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً

( الكراش والإكس والبوي فريند والجيرل فريند والجوز والزوجة والقرايب ):

محتاج روقان وتبعد عن الناس وعن الدوشة وتخليك حبة مع نفسك النهاردة

برج الميزان عملياً

( الشغل والمذاكرة والتخطيط لبكرة ):

انتا محتاج تسمع أغنية “coming back to life” بتاعة بينك فلويد بشكل فيه تركيز ف الكلام واللحن كويس اوي اكتر من مرة الليلة.. هتقولك بالظبط انتا محتاج تعمل ايه متقلقش.

برج الميزان صحياً

( نفسيا وجسمانيا وكل مايخص طاسة المزاج ):

صحتك النهاردة ماشي حالها بس محتاج تعاند ف الاكتئاب وتتحرك وتنزل وتشوف الشمس وتضحك بالعند فيها وف حرارة الجو

تعرف على توافق برج الميزان مع باقي الأبراج النهاردة:

متوافق مع الابراج الدرامية والبحرية والبرميلية والسمكمكية والنيلية والفضية والبربئية والفرفورية والنارية والهوائية..

حظك اليوم برج العقرب دوت مصر

حظك اليوم برج العقرب دوت مصر

إعرف حظك اليوم الثلاثاء 6/3/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً

( الكراش والإكس والبوي فريند والجيرل فريند والجوز والزوجة والقرايب ):

احتياجك لتأكيد وجودك طول الوقت مشوب بشوية قلة ثقة بالنفس ليه ياكابتن؟

برج العقرب عملياً

( الشغل والمذاكرة والتخطيط لبكرة ):

طول الوقت بتعمل اعلانات لنفسك عشان تحسس الناس انك واثق ف نفسك.. خليك بسيط وكبر دماغك.. كلنا موجودين علي ضهر زلطة تايهة ف الفضا وف الفراغ ومسمينها كوكب الأرض.. كبر مخك.. مفيش حاجة مستاهلة.

برج العقرب صحياً

( نفسيا وجسمانيا وكل مايخص طاسة المزاج ):

صحتك النهاردة محتاجة حبة هدوء وتروي قبل ما تقرر تضرب اي حد ف خيالك الليلة

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والكهربائية والبرطمانية والكهرمانية والترابية والمائية والنارية..

حظك اليوم برج القوس دوت مصر

حظك اليوم برج القوس دوت مصر

إعرف حظك اليوم الثلاثاء 6/3/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً

( الكراش والإكس والبوي فريند والجيرل فريند والجوز والزوجة والقرايب ):

محتاج دلع وتشجيع وأمان من الطرف الاخر بشكل عاجل ومستمر.. متتكسفش تطلب دة.. لايف إيز شورت.. فيري شورت الصراحة

برج القوس عملياً

( الشغل والمذاكرة والتخطيط لبكرة ):

خليك هادي على قد ماتقدر النهاردة يامعلم.. انتا ماشي ف الصح ومهم تعرف كدة كويس.. اكتر من كدة لأ.. لا انتا محتاج تقول لحد حاجة ولا محتاج تسمع من حد اي حاجة غير التشجيع والتمنيات الخالصة الصادقة بالنجاح لأنك تستاهله.

برج القوس صحياً

( نفسيا وجسمانيا وكل مايخص طاسة المزاج ):

صحتك النهاردة محتاجة شوية حركة بسيطة مع عصاير منعشة وخف حبة من السجاير اللي بتشربها ف الخباثة

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والهوائية والبرمائية والمائية

حظك اليوم برج الجدي دوت مصر

حظك اليوم برج الجدي دوت مصر

إعرف حظك اليوم الثلاثاء 6/3/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً

( الكراش والإكس والبوي فريند والجيرل فريند والجوز والزوجة والقرايب ):

حالة من البهجة المفاجئة النهاردة والثقة بالنفس مع حبة عناد حلوين ماشاء الله والله أكبر..

برج الجدي عملياً

( الشغل والمذاكرة والتخطيط لبكرة ):

حاول توظف العناد دة ف حاجة مفيدة ف شغلك ولا مذاكرتك مش مع الناس ياجميل.. خليك ذكي وحويط وانبسط من غير ماتزعل حد منك

برج الجدي صحياً

( نفسيا وجسمانيا وكل مايخص طاسة المزاج ):

صحتك النهاردة محتاجة شوية إعتماد على مصادر الطبيعة اكتر من الادوية الكيميائية.. حاول تقرب حبة من الاعشاب والمستحضرات الطبيعية الليلة ان امكن

تعرف على توافق برج الجدي مع باقي الأبراج النهاردة:

متوافق مع الابراج البربئية والمونوكرومية والحنتوسية والحلبسية والكشرية والترابية والهوائية والنارية..

حظك اليوم برج الدلو دوت مصر

حظك اليوم برج الدلو دوت مصر

إعرف حظك اليوم الثلاثاء 6/3/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً

( الكراش والإكس والبوي فريند والجيرل فريند والجوز والزوجة والقرايب ):

مش كل الكلام الحلو يتصدق.. انتا أوعى من كدة بمراحل وأوعى برضة لكل اللي بيقرب ياخد فكرة وميظهرش تاني بكرة.. مش كدة ولا ايه احنا مبنتعلمش ولا ايه؟

برج الدلو عملياً

( الشغل والمذاكرة والتخطيط لبكرة ):

قطقوط الابراج النهاردة.. من حقك تفرفش وتفرح وتزقطقط وتفكك من النكد وهواة النكد والناس اللي اتخصصت بس ف التكشير ف وش كل واحد عرف بمعجزة انه يلاقي حاجة يضحك عليها ولو قلبه من جوة بيعيط ومحدش شايفه.

برج الدلو صحياً

( نفسيا وجسمانيا وكل مايخص طاسة المزاج ):

صحتك اليوم كويسة ونفسيتك كويسة ماشاء الله مش عاوزين نحسد.. يارب دايما ياخويا والله

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والكتكوتية والبرمائية والكبريتية والجنية والترابية والهوائية والخيالية..

حظك اليوم برج الحوت دوت مصر

حظك اليوم برج الحوت دوت مصر

إعرف حظك اليوم الثلاثاء 6/3/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً

( الكراش والإكس والبوي فريند والجيرل فريند والجوز والزوجة والقرايب ):

كل شيئ هادئ على الجبهة العاطفية ومستقر او مفيش خالص او انتا مش فاضي ولا ليك مزاج باين.. معاك حق.. الجو حر ومش وقت عواطف اساسا

برج الحوت عملياً

( الشغل والمذاكرة والتخطيط لبكرة ):

حواليك كمية متناقضات مشبكة وملعبكة ف بعضها ومحتاجة شوية هدوء وعقل عشان تعرف تفنطها جوة دماغك كويس وتحسب حساباتكصح قبل ماتدي اي متناقض فيهم بالبرطوشة علي دماغه للآبد

برج الحوت صحياً

( نفسيا وجسمانيا وكل مايخص طاسة المزاج ):

صحيا انتا محتاج شوية هدوء ف نص اليوم تمدد فيهم رجلك قدامك وتسمع مزيكا هادية ورايقة لام كلثوم مثلا ولا فريد وتشرب ينسون او نعناع ومتفكرش غير ف كلام الاغنية وبس وتبص للسقف وتتوه فيه براحتك وف عناكبه اللي باصة عليك كل يوم مستنية منك تسلم عليه وانتا ولا هنا

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والنارية والترابية والمائية والهوائية

اعلان حظك اليوم دوت مصر

اعلان حظك اليوم دوت مصر

Advertisements

كانت هذه تفاصيل خبر حظك اليوم مع عبدالله أحمد الثلاثاء 6/3/2018 الحمل محتاج حضن أمان ياجماعة لهذا اليوم نرجوا بأن نكون قد وفقنا بإعطائك التفاصيل والمعلومات الكامله ولمتابعة جميع أخبارنا يمكنك الإشتراك في نظام التنبيهات او في احد أنظمتنا المختلفة لتزويدك بكل ما هو جديد.

كما تَجْدَرُ الأشاراة بأن الخبر الأصلي قد تم نشرة ومتواجد على دوت مصر وقد قام فريق التحرير في الخليج 365 بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر من مصدره الاساسي.

Advertisements

قد تقرأ أيضا