الارشيف / لايف ستايل

رجل يطلق زوجته : "بتصرف على الفاضية والمليانة ولازم كل يوم تطبخ لحمة"

Advertisements

طلاق غيابي أقدم عليه "محمد. ع" 33 عامًا، بعدما ضاق من إسراف زوجته العشرينية "سمر. م" 28 عامًا، ليلجأ إلى تطليقها غيابيًا، لاستحالة العشرة بينهما.

زواج عن حب نتج عنه طفلة عمرها عامين، يروي الزوج، لـ"هن": "تعبت من المصاريف وهي مش بتحس بي أنانية جدا بتصرف على الفاضية والمليانة ولازم كل يوم تطبخ لحمة وإلا أبقى مبأكلهاش.. بشتغل شيفتين وأوقات تلاتة كمان علشان أسد مصاريفها وهي في اليوم الواحد عايزة أكتر من 300 جنيه".

Advertisements

خلاف على مصروف البيت وقع بين الزوجين:"يضيف كنت بديها 3 آلاف جنيه وأنا بدفع كمان الإيجار والميه وكل حاجة.. آجي ألاقي مفيش فلوس معاها بدل ما توفر وتصرف على الفاضي.. بتشتري لبس ومكياج بجنون وأقولها تقولي أصل دي ماركة مش عارف إيه.. طب أنا مالي فلوسي أولى بيها بيتي وبنتي أحوش لمستقبلها مش أقعد أجيب لبس ومكياج فاضي".

اتهام بالبخل ضاق منه الزوج، يوضح: "لما قولتلها امسكي إيدك شوية علشان جايبة حاجات بـ900 جنيه تقولي المصاريف غليت قولتلها مهو الدولاب على أخره أهو وهدومك في دولاب الأطفال كمان هتعملي إيه باللبس ده كله وانتي أصلا مبتخرجيش اللي عايز يكنز لبس يجيبه من جيبه من مصروف البيت وبطلت اديها المصروف.. اتهمتني بالبخل وإني مجوعها وغضبت عند أبوها ولما قعدت مع أبوها علشان أصالحها يرد يقولي بنتي تعيش أحسن عيشة قولتله خلاص اصرف عليها انت.. هو انا غلطان علشان عايز أحوش وأشيل فلوس للزمن.. طلقتها لأنها هددتني بالخلع وأنا راجل حر مقعدش واحدة مش عايزاني على ذمتي".

Advertisements

كانت هذه تفاصيل خبر رجل يطلق زوجته : "بتصرف على الفاضية والمليانة ولازم كل يوم تطبخ لحمة" لهذا اليوم نرجوا بأن نكون قد وفقنا بإعطائك التفاصيل والمعلومات الكامله ولمتابعة جميع أخبارنا يمكنك الإشتراك في نظام التنبيهات او في احد أنظمتنا المختلفة لتزويدك بكل ما هو جديد.

كما تَجْدَرُ الأشاراة بأن الخبر الأصلي قد تم نشرة ومتواجد على هن وقد قام فريق التحرير في الخليج 365 بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر من مصدره الاساسي.

Advertisements

قد تقرأ أيضا