فن ومشاهير

سما المصري تفتح النار على شيرين عبدالوهاب.. وتعايرها بصورتها قبل الشهرة

رنا صلاح الدين - القاهرة - متابعات الخليج 365

فتحت الراقصة المصرية سما المصري النار على مواطنتها الفنانة شيرين عبدالوهاب، بعد تصريحات الأخيرة عن مياه النيل ووصفها لها بأنها بها بلهارسيا.

سما نشرت صورة قديمة لشيرين، على حسابها على “انستجرام”، وعلقت عليها بقولها: “دي صوره الاخت الفنانة شيرين ايام ما كان عندها بلهارسيا ايام ما كانت بتشرب من ميه النيل قبل ما تتعلم انجليزي وتعرف تقول اسم الميه المعدنية بالانجليزي.. اللهم يرحم كنتي زمان فاكره الليبتون دا رئيس امريكا وكنتي فاكره الكريسماس دي ايس كريم انتي اللي قلتيلي كده فاكره؟؟”.

وأضافت: “بصي انا مش هقولك مصر اللي عملتك ولا مصر اللي نضفتك ذي ناس كتير ماهتقولك كده لا سمح الله لا انا هقولك ميه البلهارسيا دي بتاعت مصر...عارفه يعني ايه مصر ولا مش عارفه ؟؟ هي الميه دي اللي خلتك شيرين والعيب مش عليكي العيب ع اللي لسه بيقول عليكي فنانه ونجمه وانتي طايحه في خلق الله مره عمرو دياب ومره شريف مدكور وصوتي لعساف ضد احمد جمال ابن بلدك”.

وتابعت: “بلد البلهارسيا ماتنفعش تعيش فيها واحده ذيك بتاعت ميه معدنيه وفساتين براندات وبارفانات وحاجات سيبي دا للغلابه.. فاكره مطعم الهابي دولفين في المنيل اللي نصر محروس اخدك منه وانتي بتغني هناك بالشبشب ابو ورده؟؟ لسه موجود المطعم ويشهد انك كنتي مش لاقيه حتي تشربي ميه البلهارسيا لا انتي عارفه كنتي بتشربي ميه ايه.. ايوه هي الميه الصفرا دي هي دي للي كنتي بتشربيها اللي كلها املاح دي.. دي فعلا اللي تليق ليكي.. ياتروحي لبنان يا تعتذري لمصر.. مصر اللي عملت منك فنانه وتعتذري للمصريين كلهم....ملعون ابو الشهره ياشيخه اللي نستك اصلك واهلك وبلدك.. مصر بتمسي عليكي بصورتك القديمه دي وبتقولك اوعي تنسي نفسك.. طبعا الحبيبه هيقولوا لي بصي للبسك الاول.. ايوه بالبس كل حاجه وحشه في نظركم بس لا اهين بلدي واللي يهين بلدي اقطع له لسانه حتي لو اه ياليل... اخس ع الفلوس اللي بتغير النفوس”.

وكانت إحدى معجبات شيرين قد طالبتها بغناء أغنية “ماشربتش من نيلها” في إحدى الحفلات، فردت الفنانة المصرية مازحة: “هيجيلك بلهارسيا..  اشربي مياه أفيان أحسن”، وهي أحد شركات المياه المعدنية الشهيرة

20171114_124722_0911.jpg

شكرا لقرائتكم خبر عن سما المصري تفتح النار على شيرين عبدالوهاب.. وتعايرها بصورتها قبل الشهرة على الخليج 365 ونحيطكم علما بان محتوي الموضوع تم كتابته بواسطة جلولي وربما تم نقله بالكامل اوالاقتباس منه ويمكنك قراءة ومتابعة مستجدادت هذا الخبر من مصدره الاساسي من الرابط التالي جلولي ونحن غير مسؤولين عن محتوى هذا الخبر مع اطيب التمنيات بيوم سعيد .

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا